Kryeprokurori i Shtetit, Aleksander Lumezi, ka ngushëlluar familjen e gazetarit të njohur Sulejman Gashi, me rastin e vdekjes së tij.

Lumezi në telegram ngushëllimin e tij drejtuar familjes Gashi, shkruan se vdekja dhe largimi i tij nga kjo botë është humbje e madhe jo vetëm për Ju si familje, por edhe për tërë komunitetin e gazetarëve, raporton arbresh.info.

“Gazetari Gashi do të mbetet përherë në kujtesën tonë si një mik dhe bashkëpunëtor i zellshëm, i cili ishte çdo herë pranë nesh kurdo që ishim në Shtetet e Bashkuara të Amerikës”, thuhet tutje në telegram ngushëllimin e kryeprokurorit Lumezi./arbresh.info

Telegram ngushëllimi i plotë:

Telegram ngushëllimi i Kryeprokurorit të Shtetit, Aleksandër Lumezi, me rastin e vdekjes së gazetarit, Sulejman Gashi

Prishtinë, 11 shtator 2020

E nderuara familje Gashi,

Me pikëllim dhe dhimbje të thellë mora lajmin e ndarjes nga jeta të familjarit tuaj dhe doajenit të gazetarisë, Sulejman Gashi.

Gazetari Gashi do të mbetet përherë në kujtesën tonë si një mik dhe bashkëpunëtor i zellshëm, i cili ishte çdo herë pranë nesh kurdo që ishim në Shtetet e Bashkuara të Amerikës.

Vdekja dhe largimi i tij nga kjo botë është humbje e madhe jo vetëm për Ju si familje, por edhe për tërë komunitetin e gazetarëve.

Gazetari Gashi do të kujtohet gjithmonë si një profesionist i madh dhe si një misionar i përkushtuar i vendit të tij në Shtetet e Bashkuara të Amerikës.

Me këtë rast shpreh ngushëllimet e mia më të sinqerta për familjen, të afërmit, kolegët dhe bashkëpunëtorët e tij.

Me ndjesinë dhe respektin më të thellë!

Sinqerisht i Juaji,

Aleksandër Lumezi

Kryeprokuror i Shtetit​